Taasisi ya mifupa MOI yapata msaada

TAASISI ya Mifupa na Mishipa ya Fahamu (MOI) imepokea msaada wa kifaa cha kufanyia upasuaji chenye thamani ya Sh milioni 700 kutoka Chuo Kikuu cha Tiba cha Weill Cornell cha nchini Marekani.

Msaada huo umetolewa na chuo hicho ikiwa ni sehemu ya ushirikiano kati ya taasisi ya MOI.

Akizungumza jana Meneja Ustawi na Uhusiano wa taasisi hiyo, Almas Jumaa, alisema kifaa hicho kitatumika kufanya upasuaji wa ubongo, uti wa mgongo, mishipa ya fahamu na mifupa.

Alisema kifaa hicho kimeingia chumba cha upasuaji jana tayari kwa matumizi ya upasuaji kwa kushirikiana na wataalamu kutoka Chuo cha Weil Cornell.

“Wataalamu kutoka Chuo cha Cornell watatoa mafunzo ya vitendo kwa wataalamu wa taasisi ya MOI kwa kutoa huduma ya matibabu na upasuaji kwa wagonjwa kwa kutumia kifaa hicho.

“Tunatarajia kufanya upasuaji kwa wagonjwa 24 kwa muda wa siku tatu na upasuaji utakaofanyika ni wa kesi kubwa ambazo awali tulikuwa tunapeleka wagonjwa nje ya nchi kwa matibabu,” alisema Jumaa.

Alisema msaada walioupata ni kutokana na ushirikiano mzuri kati ya taasisi hiyo na chuo hicho hali itakayosaidia kuongeza ufanisi wa utoaji huduma na uwezo wa kuhudumia wagonjwa wengi.

Alisema wagonjwa wenye matatizo ya mishipa ya fahamu wamekuwa wakiongezeka kila siku na kwa sasa wanapokea wagonjwa 35 mpaka 40 kwa siku.

Alisema kwa sasa taasisi hiyo ina vifaa vya kutosha na ushirikiano na Chuo cha Cornell utaongeza ujuzi katika matumizi ya vifaa hivyo na kutoa huduma bora.

Comments

Rais Wa Burundu "Apinduliwa"......Ndege Yake Jana Ilishindwa Kutua Burundi na Kuamua Kurudi Tanzania

Nchini Burundi, aliyekua mkuu wa majeshi Jenerali Godefroid Niyombare ametangaza Jumatano Mei 13 kuwa rais wa nchi hiyo Pierre Nkurunziza amepinduliwa madarakani. Meja Generali Niyombareh alisema wamechukua hatua hiyo baada ya watu wa Burundi kukataa kwa kinywa kipana awamu ya tatu ya urais wa Nkurunziza. Jenerali huyo aliyetimuliwa na Nkurunziza mwezi februari alisema kuwa Nkurunziza alishindwa kuheshimu mwafaka wa amani mbali na sheria za kimataifa. Wakati Mapinduzi hayo yakitangazwa, Rais Nkurunziza alikuwa nchini Tanzania kujumuika na viongozi wa kanda ya Afrika Mashariki kutafuta suluhu ya mgogoro wa Burundi tangu Nkurunzinza atangaze nia yake ya kuwania awamu ya tatu. Baada ya tangazo la kupindulikwa kwake, Rais huyo alipanda ndege kurejea nchini kwake licha ya tangazo la kufungwa kwa mipaka yote na viwanja vya...

Diamond Amuita Jokate Makombo...."Mwacheni Ali Kiba Ajilie Makombo"

Mkali wa Bongo Fleva, Nasibu Abdul ‘Diamond’ amemuita mpenzi wake wa zamani Jokate Mwegelo kuwa ni makombo na kudai kama zilipendwa huyo anatembea na hasimu wake Ali Kiba, hakuna jipya kwani anakula makombo. Diamond ametoa kauli hiyo Jumatano iliyopita wakati mwanahabari wetu alipotaka kujua anajisikiaje kuona wapenzi wake wa zamani Jokate na Wema Sepetu ‘Madam’ wanamuunga mkono Ali Kiba. Pamoja na kudaiwa kuwa Jokate ana uhusiano wa ‘kimalovee’ na Ali Kiba na mwenyewe kutokubali, ameungana na Wema kuendesha kampeni ya nguvu kwenye mitandao ya kijamii kuhamasisha watu wampigie kura Kiba kwenye Tuzo za Kili 2015 kwa kile kinachoelezwa kuwa ni kampeni ya kuuangusha ufalme wa Diamond kimuziki. Baada ya mwanahabari wetu kuujua ‘mchezo huo’ uliopamba moto kama moto wa kifuu mitandaoni ndipo alipomuuliza Diamond anauzungumziaje ambapo kwanza alikiri kuufahamu na kudai ameudharau maana hauna jipya. “Hamna jipya waache waendelee kumpigia...

Gharama za kupima ardhi kupunguzwa

SERIKALI imesema katika mwaka ujao wa fedha itapunguza gharama za upimaji ardhi kwa zaidi ya nusu ili kuwawezesha wanachi kupima maeneo yao, hali ambayo inaonekana itapunguza migogoro ya ardhi. Kauli hiyo imetolewa na Waziri wa Ardhi, Nyumba na Maendeleo ya Makazi, William Lukuvi wakati wa ziara mkoani hapa kwa ajili ya kutatua migogoro ya ardhi ambayo imedumu kwa miaka mingi. Akizungumza na watendaji wa sekta mbalimbali wa mkoa wa Tabora, Waziri Lukuvi alisema Wizara itapunguza kwa zaidi ya nusu, gharama za upimaji ardhi ili kila mwananchi aweze kupima eneo lake na kupata hati ya umiliki. Lukuvi aliongeza kuwa serikali pia itaweza kukusanya kwa wingi kodi ya pango la ardhi, hivyo kuongeza mapato ambayo yataisaidia serikali katika kufanikisha shughuli za maendeleo. Pamoja na kupunguza gharama hizo, Lukuvi aliwaonya maofisa ardhi kuacha tabia ya kuendesha shughuli za serikali kwa kukiuka taratibu, akitolea mfano wa maofisa hao kupima viwanja juu ya viwanja suala ambalo limekuwa lina...

ZA LEOLEO

Search This Blog