Thursday, May 7, 2015 Mafuta Mwenge wa Uhuru Yaibua Hoja Kamati ya Bunge

SEKRETARIETI ya Mkoa wa Shinyanga imetumia Sh milioni tatu kununua mafuta ya magari wakati wa mbio za Mwenge wa Uhuru mkoani humo, bila kuwapo nyaraka zinazoonyesha matumizi hayo.

Hayo yalibainika jana katika kikao cha Kamati ya Kudumu ya Bunge ya Hesabu za Serikali (PAC) na viongozi wa Mkoa wa Shinyanga wakiongozwa na Katibu Tawala Mkoa wa Shinyanga, Rubanzibwa Prejectus.

Prejectus alikiri kuwapo upungufu huo akidai walifuatilia bila mafanikio kutokana na magari waliyotumika kukosa rekodi za safari na mafuta yaliyotumika.

Kwa majibu hayo, Mjumbe wa Kamati hiyo na ambaye pia ni Mbunge wa Nkasi Kaskazini, Ali Keissy (CCM), alipinga hatua hiyo akisema kitendo cha kuendelea na mbio za Mwenge ni sawa na matumizi mabaya ya fedha za umma.

“Haya mambo ya Mwenge yanatupotezea fedha tu…huu Mwenge unaleta matatizo tu,” alisema Keissy.

Hata hivyo, Kaimu Mwenyekiti wa PAC, Gaudence Kayombo, kila wakati alikuwa akimtuliza mbunge huyo kwa kumtaka kujadili hoja ya kukosekana nyaraka za uthibisho kuhusu matumizi ya fedha za mafuta.

Pamoja na hali hiyo wajumbe hao walibaini viongozi wa Mkoa wa Shinyanga wamekuwa na tabia ya kutumia fedha kwa shughuli ambazo ni tofauti na zile zilizokusudiwa ambako kwa mwaka 2011/12 zilitumika Sh milioni 24 na mwaka uliofuta Sh milioni sita.

Kwa majibu hayo kamati hiyo ya Bunge iliagiza sekretarieti ya mkoa huo kupeleka taarifa zilizokosekana za matumizi ya fedha hizo kuepuka kutumia fedha kwa matumizi tofauti na yale yaliyoelekezwa kwenye bajeti, kudhibiti matumizi ya magari.

Pia iliagizwa ipeleke taarifa zinazohitajika na kamati kabla ya Mei 14mwaka huu mjini Dodoma

Comments

Rais Wa Burundu "Apinduliwa"......Ndege Yake Jana Ilishindwa Kutua Burundi na Kuamua Kurudi Tanzania

Nchini Burundi, aliyekua mkuu wa majeshi Jenerali Godefroid Niyombare ametangaza Jumatano Mei 13 kuwa rais wa nchi hiyo Pierre Nkurunziza amepinduliwa madarakani. Meja Generali Niyombareh alisema wamechukua hatua hiyo baada ya watu wa Burundi kukataa kwa kinywa kipana awamu ya tatu ya urais wa Nkurunziza. Jenerali huyo aliyetimuliwa na Nkurunziza mwezi februari alisema kuwa Nkurunziza alishindwa kuheshimu mwafaka wa amani mbali na sheria za kimataifa. Wakati Mapinduzi hayo yakitangazwa, Rais Nkurunziza alikuwa nchini Tanzania kujumuika na viongozi wa kanda ya Afrika Mashariki kutafuta suluhu ya mgogoro wa Burundi tangu Nkurunzinza atangaze nia yake ya kuwania awamu ya tatu. Baada ya tangazo la kupindulikwa kwake, Rais huyo alipanda ndege kurejea nchini kwake licha ya tangazo la kufungwa kwa mipaka yote na viwanja vya...

Diamond Amuita Jokate Makombo...."Mwacheni Ali Kiba Ajilie Makombo"

Mkali wa Bongo Fleva, Nasibu Abdul ‘Diamond’ amemuita mpenzi wake wa zamani Jokate Mwegelo kuwa ni makombo na kudai kama zilipendwa huyo anatembea na hasimu wake Ali Kiba, hakuna jipya kwani anakula makombo. Diamond ametoa kauli hiyo Jumatano iliyopita wakati mwanahabari wetu alipotaka kujua anajisikiaje kuona wapenzi wake wa zamani Jokate na Wema Sepetu ‘Madam’ wanamuunga mkono Ali Kiba. Pamoja na kudaiwa kuwa Jokate ana uhusiano wa ‘kimalovee’ na Ali Kiba na mwenyewe kutokubali, ameungana na Wema kuendesha kampeni ya nguvu kwenye mitandao ya kijamii kuhamasisha watu wampigie kura Kiba kwenye Tuzo za Kili 2015 kwa kile kinachoelezwa kuwa ni kampeni ya kuuangusha ufalme wa Diamond kimuziki. Baada ya mwanahabari wetu kuujua ‘mchezo huo’ uliopamba moto kama moto wa kifuu mitandaoni ndipo alipomuuliza Diamond anauzungumziaje ambapo kwanza alikiri kuufahamu na kudai ameudharau maana hauna jipya. “Hamna jipya waache waendelee kumpigia...

Gharama za kupima ardhi kupunguzwa

SERIKALI imesema katika mwaka ujao wa fedha itapunguza gharama za upimaji ardhi kwa zaidi ya nusu ili kuwawezesha wanachi kupima maeneo yao, hali ambayo inaonekana itapunguza migogoro ya ardhi. Kauli hiyo imetolewa na Waziri wa Ardhi, Nyumba na Maendeleo ya Makazi, William Lukuvi wakati wa ziara mkoani hapa kwa ajili ya kutatua migogoro ya ardhi ambayo imedumu kwa miaka mingi. Akizungumza na watendaji wa sekta mbalimbali wa mkoa wa Tabora, Waziri Lukuvi alisema Wizara itapunguza kwa zaidi ya nusu, gharama za upimaji ardhi ili kila mwananchi aweze kupima eneo lake na kupata hati ya umiliki. Lukuvi aliongeza kuwa serikali pia itaweza kukusanya kwa wingi kodi ya pango la ardhi, hivyo kuongeza mapato ambayo yataisaidia serikali katika kufanikisha shughuli za maendeleo. Pamoja na kupunguza gharama hizo, Lukuvi aliwaonya maofisa ardhi kuacha tabia ya kuendesha shughuli za serikali kwa kukiuka taratibu, akitolea mfano wa maofisa hao kupima viwanja juu ya viwanja suala ambalo limekuwa lina...

ZA LEOLEO

Search This Blog