Bunge kukaa hadi Jumapili

MKUTANO wa 20 wa Bunge la Bajeti kwa mwaka wa fedha 2015/16, umelazimika kupanga kikao chake kufanyika keshokutwa Jumapili ili kwenda na ratiba.

Kwa mujibu wa ratiba mpya ya Mkutano huo iliyotolewa jana na Ofisi ya Bunge, keshokutwa Wizara ya Fedha itawasilisha bajeti yake kuanzia saa tano asubuhi.

Awali, Wizara ya Fedha ilipangwa kuwasilisha bajeti yake kesho, lakini ratiba ilivurugika Jumanne wiki hii baada ya kifo cha ghafla cha Mbunge wa Jimbo la Ukonga mkoani Dar es Salaam, Eugen Mwaiposa (CCM).

Kutokana na kifo hicho, Bunge liliahirishwa Jumanne mchana ikiwa ni saa chache baada ya kuwasilishwa kwa Bajeti ya Wizara ya Afya na Ustawi wa Jamii.

Bunge lilirejea jana kwa kipindi cha Maswali ya Kawaida asubuhi bila kuwapo kwa Maswali ya Papo kwa Hapo kwa Waziri Mkuu na baadaye mjadala wa Wizara ya Afya na Ustawi wa Jamii uliendelea hadi jioni.

Leo itakuwa zamu ya Wizara ya Maji na kesho itakuwa Wizara ya Nishati na Madini, wizara mbili ambazo hotuba zao zilitakiwa kuwasilishwa Jumatano na Ijumaa.

Wizara ya Ardhi, Nyumba na Maendeleo ya Makazi ambayo hotuba yake ilipangwa kuwasilishwa jana, sasa itawasilishwa Jumatatu wiki ijayo.

Aidha, ratiba hiyo inaonesha kuwa na siku tatu za Serikali na Kamati ya Bajeti kufanya majumuisho kuzingatia hoja zenye maslahi kwa Taifa zilizojitokeza wakati wa kujadili Bajeti za Wizara, sasa zimepunguzwa na kuwa siku mbili, Jumanne na Jumatano ijayo.

Bajeti ya Serikali itasomwa kama ilivyopangwa Alhamisi ijayo ikitanguliwa asubuhi na Taarifa ya Hali ya Uchumi itakayosomwa na Waziri mwenye dhamana ya Mipango.

Comments

Rais Wa Burundu "Apinduliwa"......Ndege Yake Jana Ilishindwa Kutua Burundi na Kuamua Kurudi Tanzania

Nchini Burundi, aliyekua mkuu wa majeshi Jenerali Godefroid Niyombare ametangaza Jumatano Mei 13 kuwa rais wa nchi hiyo Pierre Nkurunziza amepinduliwa madarakani. Meja Generali Niyombareh alisema wamechukua hatua hiyo baada ya watu wa Burundi kukataa kwa kinywa kipana awamu ya tatu ya urais wa Nkurunziza. Jenerali huyo aliyetimuliwa na Nkurunziza mwezi februari alisema kuwa Nkurunziza alishindwa kuheshimu mwafaka wa amani mbali na sheria za kimataifa. Wakati Mapinduzi hayo yakitangazwa, Rais Nkurunziza alikuwa nchini Tanzania kujumuika na viongozi wa kanda ya Afrika Mashariki kutafuta suluhu ya mgogoro wa Burundi tangu Nkurunzinza atangaze nia yake ya kuwania awamu ya tatu. Baada ya tangazo la kupindulikwa kwake, Rais huyo alipanda ndege kurejea nchini kwake licha ya tangazo la kufungwa kwa mipaka yote na viwanja vya...

Diamond Amuita Jokate Makombo...."Mwacheni Ali Kiba Ajilie Makombo"

Mkali wa Bongo Fleva, Nasibu Abdul ‘Diamond’ amemuita mpenzi wake wa zamani Jokate Mwegelo kuwa ni makombo na kudai kama zilipendwa huyo anatembea na hasimu wake Ali Kiba, hakuna jipya kwani anakula makombo. Diamond ametoa kauli hiyo Jumatano iliyopita wakati mwanahabari wetu alipotaka kujua anajisikiaje kuona wapenzi wake wa zamani Jokate na Wema Sepetu ‘Madam’ wanamuunga mkono Ali Kiba. Pamoja na kudaiwa kuwa Jokate ana uhusiano wa ‘kimalovee’ na Ali Kiba na mwenyewe kutokubali, ameungana na Wema kuendesha kampeni ya nguvu kwenye mitandao ya kijamii kuhamasisha watu wampigie kura Kiba kwenye Tuzo za Kili 2015 kwa kile kinachoelezwa kuwa ni kampeni ya kuuangusha ufalme wa Diamond kimuziki. Baada ya mwanahabari wetu kuujua ‘mchezo huo’ uliopamba moto kama moto wa kifuu mitandaoni ndipo alipomuuliza Diamond anauzungumziaje ambapo kwanza alikiri kuufahamu na kudai ameudharau maana hauna jipya. “Hamna jipya waache waendelee kumpigia...

Gharama za kupima ardhi kupunguzwa

SERIKALI imesema katika mwaka ujao wa fedha itapunguza gharama za upimaji ardhi kwa zaidi ya nusu ili kuwawezesha wanachi kupima maeneo yao, hali ambayo inaonekana itapunguza migogoro ya ardhi. Kauli hiyo imetolewa na Waziri wa Ardhi, Nyumba na Maendeleo ya Makazi, William Lukuvi wakati wa ziara mkoani hapa kwa ajili ya kutatua migogoro ya ardhi ambayo imedumu kwa miaka mingi. Akizungumza na watendaji wa sekta mbalimbali wa mkoa wa Tabora, Waziri Lukuvi alisema Wizara itapunguza kwa zaidi ya nusu, gharama za upimaji ardhi ili kila mwananchi aweze kupima eneo lake na kupata hati ya umiliki. Lukuvi aliongeza kuwa serikali pia itaweza kukusanya kwa wingi kodi ya pango la ardhi, hivyo kuongeza mapato ambayo yataisaidia serikali katika kufanikisha shughuli za maendeleo. Pamoja na kupunguza gharama hizo, Lukuvi aliwaonya maofisa ardhi kuacha tabia ya kuendesha shughuli za serikali kwa kukiuka taratibu, akitolea mfano wa maofisa hao kupima viwanja juu ya viwanja suala ambalo limekuwa lina...

ZA LEOLEO

Search This Blog